ძლიერი ხანძარი გუმათჰესის ტერიტორიაზე

ქუთაისში, გუმათის დასახლებაში არსებულ ჰესს ცეცხლი უკიდია. ხანძრის გამომწვევი მიზეზი ჯერჯერობით უცნობია. ასევე არ არის დაზუსტებული, რა ფართობზეა ცეცხლი მოდებული.

თვითმხილველთა განცხადებით, ცეცხლი ჰესის შენობას უკიდია. საგანგებო სიტუაციების მართვის სამსახურის ინფორმაციით, ადგილზე სახანძრო-სამაშველო სამსახურის ეკიპაჟები მუშაობენ. მათივე ინფორმაციით, ცეცხლი ტრანსფორმატორს გაუჩნდა.

მომხდარის გამო ქალაქის რამდენიმე უბანს ელექტროენერგია შეეზღუდა.

როგორც საგანგებო სიტუაციების მართვის სააგენტოში აცხადებენ, ხანძრის ლოკალიზებას 40-მდე მეხანძრე-მაშველი ცდილობს.

ფოტო: თორნიკე ტურაბელიძე