ოზურგეთის რაიონში მომხდარ ავარიას ოჯახის ორი წევრი ემსხვერპლა

ოზურგეთის რაიონის სოფელ ლაითურში მომხდარ ავარიას ოჯახის ორი წევრი ემსხვერპლა. შემთხვევა რამდენიმე წუთის წინ მოხდა. როგორც ცნობილია, მუსბუქი მარკის ავტომობილი, რომელშიც ოჯახის 4 წევრი იმყოფებოდა, ხევში გადავარდა. როგორც ცნობილია, ორი მათგანი საავადმყოფოში მიყვანის შემდეგ გარდაიცვალა, ორი კი საშუალო სიმძიმის დაზიანებებით სამედიცინო დაწესებულებაშია გადაყვანილი.

როგორც Ambebi.ge-ს შსს-ს პრესსამსახურში განუცხადეს, შემთხვევის ადგილზე პოლიციის მისვლის მომენტში ოთხივე მათგანი ცოცხალი იყო, შესაბამისად, მომხდარზე გამოძიება 276-ე მუხლის პირველი ნაწილით დაიწყო, რაც ავტოსატრანსპორტო საშუალების ექსპლუატაციის წესების დარღვევას გულისხმობს. თუმცა როგორც უწყებაში განმარტავენ, სავარაუდოდ მუხლი გადაკვალიფიცირდება და გამოძიება 276-ე მუხლის მეხუთე ნაწილით გაგრძელდება, რაც გულისხმობს ავტოსატრანსპორტო საშუალების ექსპლუატაციის წესების დარღვევას, რამაც ადამიანის გარდაცვალება გამოიწვია.