მანილაში გატაცებული ტურისტების ავტობუსი პოლიციამ გაათავისუფლა

პოლიციამ გაათავისუფლა ავტობუსი, რომელიც ყოფილმა ფილიპინელმა პოლიციელმა რონალდო მენდოსამ გაიტაცა და 25 მგზავრი მძევლად აიყვანა. როგორც ”სქაი ნიუსი” იუწყება, ავტობუსიდან 4 მძევალი გამოიყვანეს. თავად მენდოსა, წინასწარი მონაცემებით, მოკლულია. 

დანარჩენი მძევლების მდგომარეობა ჯერჯერობით უცნობია. დადასტურებულია, რომ ერთ-ერთი მძევალი მოკლულია.

ფილიპინების დედაქალაქ მანილაში სამსახურიდან დათხოვნილმა პოლიციელმა ტურისტული ავტობუსი გაიტაცა, რომლითაც 25 ჰონკონგელი მოგზაურობდა.

გამტაცებელი - როლანდო მენდოსა სამართალდამცველი სტრუქტურიდან 2008 წელს გაუთავისუფლებიათ, რისი მიზეზიც ქურდობა, გამოძალვა და ნარკობიზნესთან კავშირი ყოფილა. გამტაცებელი სამსახურში აღდგენას ითხოვდა.

მომზადებულია itar-tass-ის მიხედვით.