ოზურგეთში ავტოსაგზაო შემთხვევის შედეგად ორი მამაკაცი დაიღუპა

27 აგვისტოს დილით, ოზურგეთის მუნიციპალიტეტის სოფელ ოზურგეთში მოხდარი ავტოსაგზაო შემთხვევის შედეგად ორი ადამიანი დაიღუპა.

გურიის საგანგებო სიტუაციათა სამსახურში განაცხადეს, რომ ერთმანეთს მინერალური წყლების გადამტანი ავტომანქანა "მანი" და "ოპელ-ომეგა" შეეჯახნენ.

მსუბუქ ავტომობილში მყოფი ორი ადამიანი - 45 წლის დათო გიორგაძე და 35 წლის ერეკლე კვერღელიძე ადგილზე დაიღუპნენ.

ბოლო 24 საათის განმავლობაში გურიაში ავტოავარიის შედეგად სამი ადამიანი დაიღუპა.

"ინტერპრესნიუსი"