ტყიბულის მაღაროში აფეთქების შედეგად გარდაცვლილთა რიცხვი 4-მდე გაიზარდა

ტყიბულის მინდელის სახელობის მაღაროში აფეთქების შედეგად გარდაცვლილთა რიცხვი 4-მდე გაიზარდა.

როგროც "ინტერპრესნიუსს" დამწვრობის ცენტრში განუცხადეს, 43 წლის მალხაზ ჭანტურიძე წუხელ გარდაიცვალა.

ექიმების ინფორმაციით, ჭანტურიძეს კანის 60%-ის, ასევე, სასუნთქი გზების დამწვრობა და სეიოზული დაზიანებები აღენიშნებოდა. იგი სასუნთქ აპარატზე იყო მიერთებული.

ამჟამად ცენტრში კიდევ 6 მაღაროელი იმყოფება. მძიმეა გიორგი ობოლაძის მდგომარეობა.

პაციენტები დამწვრობის ცენტრში 29 აგვისტოს მოათავსეს. ყველა დშავებული კვლავ რეანიმაციულ განყოფილებაში რჩება.

აფეთქება მინდელის სახელობის მაღაროში 27 აგვისტოს საღამოს მოხდა. სამი მაღაროელი ადგილზე დაიღუპა.

"ინტერპრესნიუსი"