ჩინეთი სუპერკომპიუტერული ზესახელმწიფო ხდება

ჩინური სუპერკომპიუტერი მსოფლიოს 500 ყველაზე ძლიერ კომპიუტერთა სიის პირველ ათეულში შევიდა.სია ჰამბურგში გამართულ სუპერკომპიუტერთა ნაციონალურ კონფერენციაზე გამოაქვეყნეს.

შენჩჟენის სუპერკომიუტერთა ნაციონალური ცენტრის მიერ შექმნილმა კომპიუტერმა - Nebulae ყველაზე ძლიერი სუპერკომპიუტერების რეიტინგში,  მეორე ადგილი დაიკავა. რეიტინგს ორ წელიწადში ერთხელ ადგენენ.

ყველაზე ძლიერი კომპიუტერების "ჰიტ-აღლუმში" პოზიციებს კვლავ აშშ ინარჩუნებს. ამ სიაში სუპერკომპიუტერთა შორის ყველაზე ძლიერი Jaguar პირველ ადგილს იკავებს. Jaguar-ი წამში 2,33 პეტაფლოპს ასრულებს. პეტაფლოპი წამში განხორციელებული ათასი ტრილიონი ოპერაციის ტოლია.

ამგვარ კომპიუტერებს ასტროფიზიკის, კლიმატის კვლევისა და ბირთვული ენერგეტიკის დარგში მომუშავე მეცნიერები იყენებენ.

მომზადებულია bbc.co.uk-ის მიხედვით.