ყოველი სამი იაპონელიდან ორს 3D-ტელევიზორი არ სურს

იაპონელთა თითქმის ორ-მესამედს არ სურს თავისი "ჩვეულებრივი" ტელევიზორი სამგანზომილებიანი გამოსახულების მქონე აპარატურით შეცვალოს. ეს შედეგი გამოკითხვამ აჩვენა, რომელშიც 8957 ადამიანი მონაწილეობდა.

3D-ტელევიზორებისადმი უარყოფითი დამოკიდებულება გამოკითხულთა 67,4%-მა გამოხატა. მათგან 70% პროცენტმა მიზეზად სპეციალური სათვალის მორგების საჭიროება დაასახელა. 57%-მა ახალი ტელევიზორები მაღალი ფასის გამო დაიწუნა.

გამოკითხულთა მხოლოდ 31,2%-მა განაცხადა, რომ 3D-ტელევიზორის შეძენას აპირებს.  

3D-ტელევიზორების მასობრივ წარმოებას ამჟამად კომპანიები: SAMSUNG, SONY, LG, SHARP და PANASONIC ახორციელებენ, ევროპაში ივნისში 25 ათასი ასეთი ტელევიზორი გაიყიდა. ექსპერტები იმედოვნებენ, რომ 2010 წელს მწარმოებლები 252 მილიონ ასეთი ტელევიზორს გაყიდიან.

მომზადებულია lenta.ru-ს მიხედვით.