ქართველი არქიტექტორი არქიტექტურული პროექტების საერთაშორისო კონკურსის ლაურეატი გახდა

ქართველი არქიტექტორი, ნიკოლოზ ჯაფარიძე არქიტექტურული პროექტების საერთაშორისო კონკურსის ლაურეატი გახდა. კონკურსზე, სადაც საოფისე ინტერიერი იყო წარმოდგენილი, ნომინაციაში - "უცხოური ინტერიერი" - ის საუკეთესოდ აღიარეს.

კონკურსზე Best Office Awards 2012 ჯაფარიძემ საქართველოს ეროვნული ოლიმპიური კომიტეტის ოფისის პროექტი წარადგინა, რომლის ავტორიც თავად არის. დაჯილდოება მოსკოვში, დიზაინის ცენტრ ARTPLAY-ში გაიმართა. თუმცა, ქართველი ლაურეატის მოსკოვში მიწვევასთან დაკავშირებით პრობლემები შეიქმნა.

"საქართველოსა და რუსეთს შორის დიპლომატიური ურთიერთობის არქონის გამო ნიკო ჯაფარიძის მოწვევა გართულდა, თუმცა ორგანიზატორებმა ეს მაინც შეძლეს", - განცხადა ცერემონიის გახსნაზე OfficeNEXT&ProjectNEXT-ის წარმომადგენელმა სერგეი კონოვმა. ნიკო ჯაფარიძე კონკურსში კომპანია "არქიტექტორი გამომგონებლების" სახელით მონაწილეობდა.

კონკურსის გრან-პრი არქიტექტურული ბიურო SPEECH-ის წარმომადგენელს ჩობან კუზნეცოვს ერგო, რომელმაც "ხელმძღვანელის კაბინეტის" პროექტი წარადგინა. გამარჯვებულები ასევე გამოვლინდნენ ნომინაციებში - "სივრცის განაწილება", "ბრენდი და იმიჯი", "კომფორტი და ეკონომიკა", "სინათლის დიზაინი", "დიზაინ-იდეა", ბიზნესგარემო და საზოგადოებრივი ინტერიერი" და "ბიზნეს-ცენტრი".

ნიკო ჯაფარიძისა და კომპანია "არქიტექტორი გამომგონებლების" პროექტით აშენდა თბილისის პროკურატურის ახალი შენობა და ოზურგეთის იუსტიციის სახლი.

მომზადებულია agency.archi.ru-ს მიხედვით.