"ზუგდიდი ნაგავში იხრჩობა", "ოცნება ხუთიანზე ასრულდა", "გაიტანეთ უმაქნისი მალაშხია", - ამ შინაარსის ტრანსფარანტებით ზუგდიდის გამგეობის შენობასთან საპროტესტო აქცია გამართა პოლიტიკურმა ბლოკმა "არასაპარლამენტო ოპოზიცია კუკავა - ჩიხრაძე". პარტიის ზუგდიდის ორგანიზაციის წევრები აცხადებენ, რომ "ზუგდიდდასუფთავების" სამსახური არ მუშაობს და არ ასრულებს დაკისრებულ მოვალეობას.
არასაპარლამენტო ოპოზიციის საარჩევნო შტაბის ხელმძღვანელის, თენგიზ ჯგუშიას განცხადებით, ქალაქის რამდენიმე უბანში სიბინძურის გამო მღრღნელები და ქვეწარმავლები მომრავლდნენ.