კემბრიჯის ჰერცოგი პრინცი უილიამი და მისი მეუღლე, კემბრიჯის ჰერცოგინია ქეით მიდლტონი მეორე ბავშვს ელოდებიან. ამის შესახებ ინფორმაცია უკვე დაადასტურა ბრიტანეთის სამეფო ოჯახის რეზიდენციამ.
ამ ინფორმაციას "ტვიტერზე" დიდი ბრიტანეთის პრემიერ-მინისტრი დევიდ ქემერონი გამოეხმაურა.
"ვულოცავ კემბრიჯის ჰერცოგსა და ჰერცოგინიას. მოხარული ვარ ბედნიერი ამბით, რომ ისინი მეორე ბავშვს ელოდებიან", - დაწერა დევიდ ქემერონმა.
პრინცი უილიამსა და ქეით მიდლტონს პირველი შვილი ჯორჯ ალექსანდერ ლუი მაუნტბატენ-უინძორი 2013 წლის 22 ივლისს შეეძინათ.