კიევსა და ხარკოვში სამხედროების საპროტესტო აქცია გაიმართა

კიევსა და ხარკოვში სამხედროების მიერ გამართული საპროტესტო აქცია მას შემდეგ დაიშალა, რაც ხელმძღვანელობამ აქციის მონაწილე სამხედროებს მოლაპარაკებების გამართვა შესთავაზა. უკრაინული მედიის ცნობით, ეროვნული გვარდიის რამდენიმე ასეული სამხედრო კიევში, პრეზიდენტის ადმინისტრაციის შენობასთან დემობილიზაციის მოთხოვნით იყვნენ შეკრებილები და აცხადებდნენ, რომ სამხედრო სამსახურში ვადაზე ნახევარი წლით მეტხანს იმსახურეს. ეროვნული გვარდიის ხელმძღვანელმა სტეპან პოლტორაკმა მომიტინგე სამხედროების გადაცილებულ ვადაზე პრემია და ხელფასის გადახდა აღუთქვა, რის შემდეგაც სამხედროები დაიშალნენ.