ნიგერიის სკოლაში მომხდარი აფეთქების შედეგად 47 მოსწავლე დაიღუპა

სულ მცირე 47 მოსწავლე დაიღუპა ნიგერიის ჩრდილო-აღმოსავლეთით მდებარე ქალაქ პოტისკუმის სკოლაში მომხდარი აფეთქების შედეგად. ადგილობრივი პოლიციის განცხადებით, აფეთქება ნიგერიის ისლამისტურმა დაჯგუფება "ბოკო ჰარმმა" განახორციელა. "ბიბისის" ინფორმაციით, სამეცნიერო-ტექნიკურ სკოლაში თავი თვითმკვლელმა ტერორისტმა აიფეთქა. პოლიციის განცხადებით, აფეთქების შედეგად 79 ადამიანი დაიჭრა. ბოლო ხუთი წლის განმავლობაში ნიგერიაში "ბოევიკები" ხშირად ახორციელებენ თავდასხმებს სკოლებზე, რის შედეგადაც რამდენიმე ათასი ადამიანი დაიღუპა.