პაკისტანში, სკოლაზე "თალიბანის" მებრძოლთა თავდასხმის შედეგად 20-ზე მეტი ადამიანი დაიღუპა

სულ მცირე 25 ადამიანი დაიღუპა და 40 დაშავდა პაკისტანის ქალაქ პაშვარაში მდებარე სკოლაზე "თალიბანის" მებრძოლთა თავდასხმის შედეგად. "ბიბისის" ინფორმაციით, სამხედრო სკოლაში ექვსამდე შეიარაღებული პირი შეიჭრა, რომელთაც ცეცხლი გაუხსნეს იქ მყოფებს და მძევლები აიყვანეს. ადგილობრივი პოლიციის განცხადებით, სკოლის 550-მდე სტუდენტი ევაკუირებულია. თუმცა უცნობია, რამდენი მძევალი ჰყავთ აყვანილი თავდამსხმელებს."თალიბანის" პრესსპიკერის განცხადებით, სკოლაზე თავდასხმა არმიის ოპერაციებზე პასუხია.