თბილისში ალენ დელონი ჩამოვიდა
ფრანგი მსახიობი ალენ დელონი დღეს, გამთენიისას საქართველოში ჩამოვიდა. იგი თბილისის საერთაშორისო აეროპორტში საკუთარი თვითმფრინავით ჩამოფრინდა. მსახიობი პაატა ბურჭულაძის საიუბილეო კონცერტს წარუძღვება.
"მე საქართველოში პაატა ბურჭულაძის გამო ჩამოვედი. ხვალ იუბილარია. პაატა ნამდვილი ვარსკვლავია და ეს ქართველებმა ჩემზე უკეთ იცით", - აღნიშნა ალენ დელონმა ქართველ ჟურნალისტებთან საუბრისას. ამასთან, ალენ დელონი დღეისთვის პრესკონფერენციის გამართვასაც გეგმავს.
პაატა ბურჭულაძე 60 წლის იუბილისადმი მიძღვნილ კონცერტში 15-მდე ქართველი და უცხოელი მსოფლიო ვარსკვლავი მიიღებს მონაწილეობას.
ერთიანდება ორი სიმფონიური, ზაქარია ფალიაშვილის სახელობის ოპერისა და ბალეტის სახელმწიფო თეატრის სიმფონიური ორკესტრი და ევგენი მიქელაძის სახელობის სახელმწიფო სიმფონიური ორკესტრი. გაერთიანებულ ორკესტრს ჯანლუკა მარჩიანო და ნიკოლოზ რაჭველი უდირიჟორებენ.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
