ავღანეთის ლოგარის პროვინციაში განხორციელებული ტერაქტის შედეგად 20 ადამიანი დაიღუპა. ამის შესახებ "ბიბისი" იტყობინება. ადგილობრივი სამართალდამცავი უწყების ცნობით, დღეს შუადღით პოლიციის ფორმაში გადაცმულმა ოთხმა მამაკაცმა ქალაქ პული-ალამში, პოლიციის ერთ-ერთ შენობასთან თავი აიფეთქა. ლოგარის პროვინციის გუბერნატორის ცნობით, არიან დაშავებულებიც, მათი რიცხვი ათს აღწევს. მომხდარზე პასუხისმგებლობა ჯერ არც ერთ დაჯგუფებას არ აუღია.