ალექსნადრე ტურჩინოვი – ხარკოვში ანტიტერორისტული ოპერაცია დაიწყო

ხარკოვში მომხდარ ტერაქტთან დაკავშირებით, ქალაქში ანტიტერორისტული ოპერაცია დაიწყო. უკრაინული მედიის ინფორმაციით, ამის შესახებ უკრაინის თავდაცვისა და ეროვნული უშიშროების საბჭოს მდივანმა ალექსანდრე ტურჩინოვმა განაცხადა.

მისივე ინფორმაციით, ანტიტერორისტული ოპერაციის ფარგლებში აფეთქებაში ეჭვმიტანილი 4 პირი დააკავეს, ამოღებულია იარაღი, მათ შორის ყუმბარმტყორცნი. "ანტიტერორისტული ოპერაცია გრძელდება", - განაცხადა ტურჩინოვმა და აქვე აღნიშნა, რომ მათ ხელთ არსებული ინფორმაციით, დაჯგუფების წევრებმა, რომლებმაც ტერაქტი ჩაიდინეს, სწავლება რუსეთის ქალაქ ბელგოროდში გაიარეს. ხარკოვში მომხდარი აფეთქების შედეგად 3 ადამიანი დაიღუპა, დაშავებულია მსვლელობის 10-ზე მეტი მონაწილე. ხარკოვში ძლიერი აფეთქება მაშინ მოხდა, როცა კიევის "ღირსების მარშის" მხარდამჭერები კოლონას აწყობდნენ, რათა თავისუფლების მოედნისკენ დაძრულიყვნენ.

"ინტერპრესნიუსი"