თითქმის 10 წლის განმავლობაში, ელიზაბეტ ჰოლმსი მედიცინის სფეროში რევოლუციას, ფართო საზოგადოების ყურადღების მიპყრობის გარეშე გეგმავდა.
ამ დროის განმავლობაში მან შეძლო შეექმნა, 500 თანამშრომლისგან შემდგარი კომპანია თჰერანოს, საკუთარი წარმოებითა და ლეგენდარული ჰენრი კისინჯერით დირექტორთა საბჭოში. 2013 წელს, პრესამ თჰერანოს-ს "ბიოტექნოლოგიის სფეროს გიგანტი უწოდა, რომელზეც არავის სმენია".
2014 წლის ივნისში ჰოლმსმა განაცხადა, რომ მან შეძლო ინვესტორებისგან 400 მილიონი დოლარის ინვესტიციების მიღება. აღსანიშნავია, რომ კომპანიის მთლიანი ღირებულება უკვე 9 მილიარდ დოლარს უტოლდება. ამგვარმა წარმატებამ 30 წლის ელიზაბეტი ყველაზე ახალგაზრდა მილიარდერი ქალების სიის სათავეში ჩააყენა. მისი ქონება ამ დროისთვის, 4,5 მილიარდი დოლარია.
"ჩემი მიზანი სამყაროს გადარჩენაა"
პირველი ბიზნესის იდეა ჰოლმსს ჯერ კიდევ 2003 წელს მოუვიდა თავში, როდესაც სტენფორდის უნივერსიტეტის საინჟინრო ფაკულტეტის 19 წლის სტუდენტი, სინგაპურის უნივერსიტეტის საზაფხულო სემინარიდან სახლში დაბრუნდა, სადაც ატიპური პნევმონიის ვირუსის კვლევით იყო დაკავებული.