პირველად ქუთაისში, მკითხველის თხოვნით, 14 მარტს "ბიბლუსის მაღაზიაში" პროექტ "ლიბერთინსის" ფარგლებში გამოცემული მესამე წიგნი, მსოფლიო ბესტსელერი, ჰოლი სმეილის "გიკი გოგო" გაყიდვაში ქართულ ენაზე გამოვა .
როგორც "ინტერპრესნიუსს" "პალიტრა L"-დან აცნობეს, მხოლოდ ერთი დღით მხოლოდ ერთ ფილიალში, მხოლოდ ერთი საათით 10 ლარის ნაცვლად წიგნი 3 ლარად გაიყიდება. ქუთაისს Liberteens-ის წევრებიც ეწვევიან.
წიგნი პროექტის Liberteens ფარგლებში გამოიცა. თინეიჯერებმა ეს და სხვა ნაწარმოებები, რომელიც მოგვიანებით გამოვა, თავად შეარჩიეს. "შენი თაობის არჩევანი" ასეთია სლოგანი, რომელიც იმ მოზარდებს აერთიანებს, რომლებიც Lიბერთეენს-ის წევრები არიან.
პროექტის პირველი წიგნი ჯეიმზ დაშნერის "ლაბირინთში მორბენალი" გაყიდვაში დეკემბრის თვეში გამოვიდა და უპრეცედენტო გამოხმაურება ჰქონდა. პირველ დღეს აქციაზე წიგნის შესაძენად რიგში 1000-მდე ადამიანი მოთმინებით ელოდა მსოფლიო ბესტსელერს. მეორე წიგნის "თუ დავრჩები"-ს აქციის დღეს მაღაზიასთან მისული მკითხველის რაოდენობამ კი თითქმის 1500-ს მიაღწია.