კრემლმა ამერიკულ პიარ-კომპანია Ketchum-თან თანამშრომლობა შეწყვიტა. "ბი-ბი-სის" ცნობით, ამის შესახებ რუსეთის პრეზიდენტის პრესსპიკერმა, დიმიტრი პესკოვმა განაცხადა.
მისი თქმით, ამერიკულ კომპანიასთან თანამშრომლობის შეწყვეტის გადაწყვეტილება სახელმწიფო ბიუჯეტში თანხების დაზოგვის გამო მიიღეს.
თავად კომპანია Ketchum-მა ცოტა ხნის წინ განაცხადა, რომ ის რუსეთის იმიჯზე ევროპასა და აშშ-ში აღარ მუშაობდა. კომპანია Ketchum-ი რუსეთის ფედერაციის მთავრობამ 2006 წელს პეტერბურგში "დიდი რვიანის" სამიტისთვის მზადების პერიოდში დაიქირავა. გასული წლის სოჭის ზამთრის ოლიმპიადა კი ბოლო მასშტაბური ღონისძიება იყო, რომლის ორგანიზებაშიც ამერიკული პიარ-კომპანია მონაწილეობდა.