სავაჭრო ცენტრ "დიდუბე-პლაზას" ეზოში, სადაც აქცია "მაკულიტერატურა" მიმდინარეობს, დილიდან რიგები არ წყდება. "დიდუბე-პლაზას" ეზოში მისული ადამიანები მაკულატურას მათთვის სასურველ წიგნებში ცვლიან.
28 მარტიდან 3 აპრილის ჩათვლით, პროექტი "მაკულიტერატურა" აქციას მართავს "დედამიწის საათის" დღესთან და "პალიტრის" 20 წლის იუბილესთან დაკავშირებით. პროექტი "მაკულიტერატურა" საზოგადოებას სთავაზობს აქციას, ერთი კვირის განმავლობაში, 1 კილოგრამი მაკულატურა გაიცვლება 1 ლარის ღირებულების წიგნზე.
აქციის მონაწილეებს საშუალება აქვთ აირჩიონ სასურველი წიგნი 500-ზე მეტი დასახელების ჩამონათვალიდან.
"პალიტრა მედიის" პროექტის "მაკულიტერატურის" პრეზენტაცია 2012 წელს თბილისის წიგნის ფესტივალზე მოეწყო და არსებობას დღემდე წარმატებით აგრძელებს.
იხილეთ: ფოტოგალერია + ვიდეო