პოლონეთში საპრეზიდენტო არჩევნების მეორე ტური მიმდინარეობს. "ბი-ბი-სის" ცნობით, არჩევნების მეორე ტურში ქვეყნის მოქმედი პრეზიდენტი ბრონისლავ კომოროვსკი და პოლონეთის ოპოზიციური პარტიის "კანონი და სამართლიანობა" კანდიდატი ანჯეი დუდა მონაწილეობენ.
22 მაისს ჩატარებული ბოლო გამოკითხვის თანახმად, პოლონეთის პრეზიდენტობაზე შანსები ორივე კანდიდატს თითქმის თანაბრად აქვს. კვლევით ცენტრ IBRIS-ის მიერ ჩატარებული გამოკითხვის თანახმად, გამოკითხვაში მონაწილეთა 46,7% მეორე ტურში მხარს ბრონისლავ კომოროვსკის დაუჭერს, 46% კი აცხადებს, რომ ოპოზიციურ კანდიდატს მისცემს ხმას.
პოლონეთის საპრეზიდენტო არჩევნების პირველი ტური 10 მაისს გაიმართა. პირველ ტურში, ქვეყნის მოქმედმა პრეზიდენტმა არჩევნებში მონაწილეთა ხმების 33,7% მიიღო, ანჯეი დუდამ კი 34%.