თბილისში, 139-ე საჯარო სკოლაში 10-მდე ბავშვს მწვავე ინტოქსიკაციის ნიშნები აღენიშნება. როგორც "ინტერპრესნიუსს" სასწრაფო სამედიცინო დახმარების პრესსამსახურში განუცხადეს , მოწამვლის ნიშნები აღენიშნება 8 ბავშს, ყველა მათგანი 10 წლის არის. ამასთან, ორმა გონებაც დაკარგა. ადგილზე მობილიზებულია რამდენიმე სასწრაფო სამედიცინო დახმარების და საპატრულო პოლიციის მანქანები.
სასწრაფო სამედიცინო დახმარების ექიმებს ბავშვები ჰოსპიტალში გადაჰყავთ. "ინტერპრესნიუსის" კორესპონდენტი უკვე გავიდა შემთხვევის ადგილზე, სადაც მომხდარის შესახებ დეტალებს გაარკვევს.