საქართველოს ძიუდოისტთა ნაკრები მეორე ადგილზე გავიდა

საქართველოს ძიუდოისტთა ნაკრები ბაქოს პირველ ევროპულ თამაშებზე გუნდურ შეჯიბრებაში მეორე ადგილზე გავიდა. ქართველი ძიუდოისტები ფრანგ სპორტსემენებთან ანგარიშით 4:1 დამარცხდნენ.

ფინალურ დაპირისპირებაში ერთადერთი გამარჯვება ვარლამ ლიპარტელიანმა მოიპოვა, ხოლო ამირან პაპინაშვილი, ნუგზარ ტატალაშვილი, ავთანდილ ჭრიკიშვილი და ადამ ოქრუაშვილი საკუთარ მეტოქეებთან დამარცხდნენ.

საქართველოს ნაკრებმა ფინალამდე ჩეხეთი და უნგრეთი დაამარცხა.

"ინტერპრესნიუსი"