ჩვენი გუნდის მთავარი უპირატესობა იყო განათლება, - ამის შესახებ საქართველოს იუსტიციის ყოფილმა მინისტრმა ზურაბ ადეიშვილმა "რუსთავი 2"-ის გადაცემა "ნანუკას შოუში" განაცხადა.
მისივე თქმით, ვერ იფიქრებდა, რომ ემიგრაციაში ცხოვრება მოუწევდა, მაგრამ ადეიშვილის განმარტებით, ადამიანის ძირითადი უპირატესობა სწორედ ისაა, რომ შეძლოს კარიერის და ცხოვრების ხელახლა აწყობა ნებისმიერ ქვეყანაში.
"ამას, რაც მოხდა, არ ვიფიქრებდი, თუმცა ნებისმიერი ადამიანის ძირითადი უპირატესობა ის არის, რომ შეეძლოს ნებისმიერ ქვეყანაში თავისი კარიერის, თავისი ცხოვრების ხელახლა აწყობა. ჩვენი გუნდის ბევრ წევრს ეს არ გაჭირვებია იმიტომ, რომ ძალიან ბევრს ჰქონდა კარგი განათლება. ჩვენი მთავარი უპირატესობა სწორედ ეს იყო – განათლება და უნარი, შენ თვითონ გააკეთო საქმე", - აღნიშნა ადეიშვილმა.