ფინეთის საჰაერო სივრცეში რუსეთის მხრიდან ვერტმფრენი შეიჭრა

ფინეთის საჰაერო სივრცეში რუსეთის მხრიდან ვერტმფრენი შეიჭრა. როგორც ადგილობრივი მედია იტყობინება, ინციდენტი 10 დეკემბერს მოხდა.

არაიდენტიფიცირებული ვერტმფრენი ფინეთის ტერიტორიის დაახლოებით 9 კილომეტრის სიღრმეზე შევიდა. ქვეყნის სამხედრო-საჰაერო ძალების გაფრთხილების შემდეგ, ვერტმფრენი რუსეთში დაბრუნდა. სასაზღვრო სამსახურის ცნობით, საფრენი აპარატის ფრენა დაახლოებით 6 წუთს გაგრძელდა.

როგორც დასავლური მედია აღნიშნავს, ბოლო ორი წლის განმავლობაში რუსულმა სამხედრო თვითმფრინავებმა ფინეთის საჰაერო სივრცე არაერთხელ დაარღვიეს, რამაც აქტუალური გახადა დისკუსია ფინეთის ნატო-ში გაწევრიანების შესახებ.

"ინტერპრესნიუსი"

გამოგვყევით, რომ არ გამოტოვოთ პოლიტიკის ყველაზე მნიშვნელოვანი ამბები.

გამოიწერეთ პოლიტიკური სიახლეები და იხილეთ ის თქვენს Newsfeed-ში.

AMBEBI.GE/პოლიტიკა