შავი ზღვის სანაპირო ზოლზე დღეს 4-5 ბალიანი შტორმია მოსალოდნელი. გარემოს ეროვნული სააგენტოს აჭარის რეგიონალური ჰიდრომეტეოროლოგიური ობსერვატორიის დირექტორის, რუსუდან დიასამიძის განცხადებით, ტალღები საღამოს საათებიდან გააქტიურდება და ღამის განმავლობაში 5-ბალიან შტორმს მიაღწევს.
მისივე განმარტებით, ზღვის სანაპირო რაიონებში მოსალოდნელია ნალექი თოვლ-ჭყაპის სახით, ხოლო მთებში თოვა. რუსუდან დიასამიძის თქმით, უამინდობა შენარჩუნდება ხვალაც, ხოლო 21 იანვარს გამოიდარებს.