"რატომ გააპრავე "იმედი", როდესაც მე გამომიშვეს?" - ამ კითხვით ჟურნალისტმა ინგა გრიგოლიამ შალვა რამიშვილს მიმართა. გადაცემა "პოლიტიკის" უკვე ყოფილი წამყვანი ტელეკომპანია "პირველის" ეთერში მისი და მსახიობ თათია სამხარაძის გარშემო ატეხილ სკანდალზე სასაუბროდ მივიდა.
ინგა გრიგოლია: ჩემი იქიდან გამოშვება პოლიტიკური გადაწყვეტილება იყო. ეს რომ არ მეკითხა, აქედან ისე ვერ გაგიშვებდი. შენ ამბობდი მაშინ, რომ პოლიტიკურ ინსინუაციებს ყველა უნდა შეეშვასო და არანაირი ზეწოლა და პოლიტიკა არაფერ შუაში არ არისო. შემდეგ წარმატებით გააგრძელე გადაცემა ისე, თითქოს იმ სტუდიაში არ გადიოდა გადაცემა "რეაქცია".
შალვა რამიშვილი: და ასეთი კაცი გააგდეს... ეს არის ჩემი კომენტარი.
გადაცემა "პოლიტიკის" ერთ-ერთმა წამყვანმა შალვა რამიშვილმა რამდენიმე დღის წინ ამცნო საზოგადოებას, რომ "იმედთან" საქმიან ურთიერთობს წყვეტდა. ცნობილი გახდა, რომ რამიშვილის ტელეკომპანიიდან გამოშვების მიზეზი თათია სამხარაძე, იგივე ტასო ბარნოვაა, რომელთანაც ტელეწამყვანს რამდენიმე დღის წინ პირად საკითხზე კონფლიქტი მოუვიდა.
რას პასუხობს შალვა რამიშვილი თათია სამხარაძის ბრალდებას: "ვაპირებ ჩემი რეპუტაციის დაცვისთვის ბრძოლას"