ერთი გარდაცვლილი და 3 დაშავებული - თუშეთში ავტომობილი ხევში გადავარდა

ერთი გარდაცვლილი და 3 დაშავებული - თუშეთში ავტომობილი ხევში გადავარდა

თუშეთში ავტომობილი ხევში გადავარდა, რის შედეგადაც ერთი ადამიანი გარდაიცვალა, 3 კი მძიმედ დაშავდა. გარდაცვლილია 21 წლის თემურ გოგოთიძე.

დაშავებულები, რომელთაც მრავლობითი დაზიანებები აღენიშნებათ, ვერტმფრენით თბილისში გადაიყვანეს. გარდაცვლილის ცხედარი კი ამ დრომდე გურჯაანის პროზექტურაშია გადასვენებული.

როგორც თუშეთში გამგებლის წარმომადგენელმა ლადო კახოიძემ განაცხადა, ამ დროისთვის როგორც ფშაველი-აბანო-ომალოს, ისე თუშეთში არსებული სხვა შიდა გზები ნორმალურ მდგომარეობაშია და შემთხვევა გზაზე არსებულ მდგომარეობას არ უკავშირდება. მისივე თქმით, მსგავსი უბედური შემთხვევების მიზეზი ზოგჯერ არაფხიზელ მდგომარეობაში ავტომანქანის მართვა ხდება.

შემთხვევა მაშინ მოხდა, როდესაც ახალგაზრდები სოფელ დართლოდან ჭეშოსკენ მიემგზავრებოდნენ.

ბამბის რიგში რესტორანი იწვის - ადგილზე 4 სახანძრო მუშაობს

დამწვარია 200-დან 250 კვ.მ ფართობი - რა ვითარებაა ბაზრობა "თერგის" ტერიტორიაზე

ძლიერი ხანძარი თბილისში - ბაზრობა "თერგის" მეორე სართულზე ღია ცეცხლია