თელავში თბილისის გზატკეცილზე ძლიერმა ქარმა ფიჭვის ხე მოგლიჯა, რომელმაც მის სიახლოვეს მდგომი ავტომობილი დააზიანა.
შემთხვევის ადგილზე იმყოფებოდნენ საგანგებო სიტუაციების სამსახურის თანამშრომლები, ქალაქის მერი და ვიცე მერი. ინციდენტის გამო რამდენიმე წუთით საგზაო მოძრაობა შეფერხდა.
როგორც თელავის ვიცე-მერმა „ინტერპრესნიუსთან“ საუბარში აღნიშნა, შემთხვევის შედეგად არავინ დაშავებულა. ამ დროისთვის თბილისის გზატკეცილზე გადაადგილება შეუფერხებლად არის შესაძლებელი.