ირაკლი ალასანიას კომენტარი ირაკლი ოქრუაშვილისთვის ცეცხლის გახსნის ფაქტზე

სამართალდამცავებმა უსწრაფესად უნდა მოახდინონ რეაგირება, ჭეშმარიტების დადგენა და დამნაშავეების დაკავება - ეს განცხადება ირაკლი ალასანიამ გორში, ირაკლი ოქრუაშვილის მიმართ ცეცხლის გახსნის ფაქტთან დაკავშირებით გააკეთა.

მისი განცხადებით, იარაღის ჟღარუნი არ უნდა ხდებოდეს წინასაარჩევნო კამპანიისას. ჩვენ პასუხიმგებლობა გვაქვს აღებული საზოგადოების წინაშე, რომ პოლიტიკური დებატები იყო სუფთა, თავისუფალი ზიზღის ენისგან და მითუმეტეს შეიარარებული დაპირისპირებისგან." - განაცხადა ალასანიამ.

გორში, მაჟორიტარი დეპუტატობის კანდიდატს, თავდაცვის ექს მინისტრ ირაკლი ოქრუაშვილს ამომრჩევლებთან შეხვედრის დროს ცეცხლი გაუხსნეს. აღნიშნულ ინფორმაციას თავად ირაკლი ოქრუაშვილი ავრცელებს. მისი განცხადებით, ოქრუაშვილი ამომრჩევლებს თანმხლებ პირებთან ერთად რკინიგზის სადგურის დასახლებაში ხვდებოდა, როდესაც მისი მიმართულებით ერთ-ერთმა ადგილობრივმა ცეცხლსასროლი იარაღიდან რამდენჯერმე გაისროლა.

დაჭრილია ოქრუაშვილის თანმხლები ორი ადამიანი. ორივე მათგანი საავადმყოფოშია გადაყვანილი. არსებული ინფორმაციით, მათ სიცოცხლეს საფრთხე არ ემუქრება. პირი, რომელმაც ცეცხლსასროლი იარაღიდან ისროლა, შემთხვევის ადგილიდან მიიმალა. ეჭვმიტანილი ა.ი. რამდენჯერმე ნასამართლევია.