ირაკლი ღარიბაშვილი პრეზიდენტობის შესახებ შეკითხვას პასუხობს
მე ბევრ რამეზე ვფიქრობ, - ასე უპასუხა ყოფილმა პრემიერ-მინისტრმა ირაკლი ღარიბაშვილმა კითხვას, იფიქრებს თუ არა მომავალ საპრეზიდენტო არჩევნებში კანდიდატურის დაყენებაზე.
რაც შეეხება ბიძინა ივანიშვილის პოზიციას, რომელიც მიესალმება, თუკი ირაკლი ღარიბაშვილი საპრეზიდენტო არჩევნებში იყრის კენჭს, ღარიბაშვილის თქმით, "მანამდე დიდი დროა".
ყოფილი პრემიერ-მინისტრი ბიძინა ივანიშვილი მიესალმებოდა, თუ ირაკლი ღარიბაშვილი საპრეზიდენტო არჩევნებში იყრის კენჭს. ამის შესახებ ივანიშვილმა ქვემო ქართლში, რეგიონულ მედიასთან შეხვედრაზე, იმ კითხვის საპასუხოდ განაცხადა, თუ როგორია მისი პოზიცია გავრცელებულ ინფორმაციაზე, რომლის თანახმადაც ყოფილი პრემიერ-მინისტრი ირაკლი ღარიბაშვილი საპრეზიდენტო არჩევნებში მიიღებს მონაწილეობას.
"ჩემი პოზიციაა - რატომაც არა, თუმცა შორსაა ჯერ საპრეზიდენტო არჩევნები. მაგ თემაზე მე არავისთან მსჯელობა არ მქონია, მათ რიცხვში, არც ირაკლისთან არ მქონია ამაზე ჯერ საუბარი. მე ვფიქრობ, ირაკლი ახალგაზრდა კაცია და შეუძლია, საქართველოს პოლიტიკაში მნიშვნელოვანი როლი ითამაშოს უახლოეს მომავალში და უფრო შორსაც. ის ძალიან ღირსეულად მოემსახურა თავის ქვეყანას და ღირსეულად წავიდა. ასე რომ, მე მივესალმებოდი დღევანდელი გადმოსახედიდან, თუმცა ორი წელიწადი დიდი დროა და ჯერ უნდა დაველოდოთ მოვლენებს, შეიძლება მანამდეც მოისურვოს ირაკლიმ გამოჩენა", - განაცხადა ივანიშვილმა.
"ანტიგმირი უნდა დამალო" - გია ხუხაშვილი პარლამენტიდან ვანო ზარდიაშვილის წასვლაზე
უკრაინის პროკურატურამ მიხეილ სააკაშვილის მიმართვაზე საქმე აღძრა
