ძლიერი შტორმი ქობულეთის სანაპიროზე

ქობულეთში, სანაპირო ზოლზე, 3-4 ბალიანი შტორმია, - ამის შესახებ "ინტერპრესნიუსს" ქობულეთის გამგებელმა სულხან ევგენიძემ განუცხადა.

მისივე ინფორმაციით, წყალმა დატბორა და დააზიანა სანაპირო ზოლზე არსებული ურნები და სკამები.

"მოსახლეობას არავითარი საშიშროება არ ემუქრება. ამ ეტაპზე მოსახლეობას მიეწოდება ელექტროენერგია.

ადგილზე იმყოფებიან და 24 საათიან რეჟიმში მუშობენ გამგეობის შესაბამისი სამსახურები, - განაცხადა გამგებელმა.

მისივე ინფორმაციით, დღეს დილით ქობულეთში ძლიერმა ქარმა 4 ხე წააქცია. ერთი ხე მიკროავტობუსს დაეცა, თუმცა არავინ დაშავებულა.

იხილეთ ვიდეო