ტერორისტულმა დაჯგუფებამ, "ისლამურმა სახელმწიფომ" პასუხისმგებლობა აიღო პარიზში მომხდარ ტერაქტზე, რომლის შედეგად ერთი პოლიციელი დაიღუპა და ორი დაიჭრა. "ისლამურმა სახელმწიფომ" აღნიშნული განცხადება თავისი პროპაგანდისტური ორგანოს, "ამაყის" მეშვეობით გააკეთა.
"პარიზში შანზ-ელიზეზე თავდასხმის შემსრულებელი ბელგიელი აბუ იუსეფია, "ისლამური სახელმწიფოს" ერთ-ერთი მებრძოლი", - ნათქვამია ტერორისტული დაჯგუფების განცხადებაში.
აღნიშნულის შესახებ ფრანგული გამოცემა Le Figaro იუწყება.
პარიზში, შანზ-ელიზეზე წუხელ ადგილი ჰქონდა სროლებს. ინციდენტის შედეგად, ერთი პოლიციელი მოკლულია, ორი დაჭრილი, ერთ-ერთი თავდამსხმელი კი ლიკვიდირებულია.