ძლიერი ქარის გამო, საგანგებო სიტუაციების მართვის სააგენტოში ყველაზე მეტი ზარი ძველი თბილისის, ისნისა და სამგორის რაიონებიდან შევიდა

თბილისში ძლიერი ქარის გამო, საგანგებო სიტუაციების მართვის სააგენტოში 10:00-დან 13:00 საათამდე 100-მდე გამოძახება შევიდა. ამის შესახებ "ინტერპრესნიუსს" საგანგებო სიტუაციების მართვის სააგენტოში განუცხადეს.

საგანგებო სიტუაციების მართვის სააგენტოს ინფორმაციით, თბილისში ძლიერი ქარის გამო შეტყობინებების ყველაზე მეტი რაოდენობა 10:00-დან 13:00 საათამდე დაფიქსირდა და მათი რიცხვი დაახლოებით 100-მდე იყო. შემდგომ საათებში აღნიშნული მიზნით გამოძახებების რაოდენობა შემცირდა. ყველაზე მეტი გამოძახება ძველი თბილისის, ისნისა და სამგორის რაიონებში დაფიქსირდა, სადაც ძლიერმა ქარმა შენობების სახურავები გადახადა და ხის ტოტები დაამტვრია.

როგორც სააგენტოში აცხადებენ, ძლიერი ქარის შედეგად არავინ დაშავებულა.

იხილეთ ვიდეო: ძლიერი ქარის გამო თბილისში 8 წლის ბავშვმა დაზიანებები მიიღო - 100-მდე გამოძახება საგანგებო სიტუაციების მართვის სააგენტოში