პირველი ვიცე-პრემიერის, ფინანსთა მინისტრ დიმიტრი ქუმსიშვილის განმარტებით, რუსეთის პრემიერ-მინისტრ დიმიტრი მედვედევთან არანაირი შეხვედრა არ გამართულა და მხოლოდ საერთო, პროტოკოლური ფოტო გადაიღეს. ამის შესახებ დიმიტრი ქუმსიშვილმა ჟურნალისტებს თურქეთში გამართულ შავი ზღვის ეკონომიკური თანამშრომლობის ორგანიზაციის (BSEC) სამიტზე ფოტოს გადაღების საკითხზე კომენტირებისას განაცხადა.
"არ ყოფილა არანაირი შეხვედრა. რაც შეეხება ფოტოს, ეს იყო პროტოკოლური ფოტო. ჩვენ ყველანი შეგვიყვანეს და იმ ადგილას დაგვაყენეს",- აღნიშნა ქუმსიშვილმა.
ფოტოს, რომელზეც დიმიტრი ქუმსიშვილი და დიმიტრი მედვედევი გვერდიგვერდ დგანან, საზოგადოების ნაწილში უკმაყოფილება მოჰყვა.