ხალხს ჰგონია, რომ ჰოსტელები არაჰიგიენური ადგილებია, რომლებიც საერთო საცხოვრებელს გავს. თუმცა, ეს წარმოდგენები შორსაა რეალობისგან. ევროპაში ძალიან მყუდრო და სუფთა ჰოსტელები არსებობს, რომელთა მონახულებას აუცილებლად გირჩევდით.
Lavender Circus Hostel - ბუდაპეშტი, უნგრეთი
ეს ჰოსტელი განთავსებულია მეცხრამეტე საუკუნის სასახლეში. თბილი და მყუდრო ატმოსფერო, რომელსაც ძველი იმპერიული ფუფუნების ელფერი დაჰკრავს, წყვილისთვის იდეალური ადგილია.
ფასი: ორადგილიანი ნომერი კაცზე - 14 ევრო.
მდებარეობა: ქალაქის ცენტრი, მეტროსადგურ Kálvin tér-თან ახლოს.
Kadir’s Tree House - ოლიმპოსი, თურქეთი
ეს ჰოსტელი მოწყობილია ხის სახლში, ისეთში, ბავშვობაში რომ შტაბებს აკეთებენ ხოლმე, ოღონდ კაპიტალურად გაკეთებული. მასთან ახლოსაა საოცარი პლაჟი და ნაციონალური პარკი.
ფასი: 12 ევრო საწოლზე, 22 ევრო ორადგილიან ოთახზე.
The MadHouse Hostel - პრაღა, ჩეხეთი
"მედჰაუსი" სექსუალური და შეშლილი ადგილია, რომელიც ჩეხეთის საუკეთესო ჰოსტელადაა დასახელებული, აგრეთვე მსოფლიოში საუკეთესო ჰოსტელების სიაში მეექვსე ადგილზეა. აქ სტუმრებს როგორც ოჯახის წევრებს, ისე ეპყრობიან.
ფასი: 15,98 ევრო საწოლზე.
მდებარეობა: ქალაქის ცენტრი, მეტროსადგურ Národní třída-სთან ახლოს.
Prison Hostel -კაროსტა, ლატვია
ოდესღაც ჰოსტელის ადგილას ციხე იყო. ამის გამო წესები შენარჩუნებულია და ვინც ჰოსტელში გაჩერდება, წინასწარ თანხმობას აწერს ხელს, რომ პრეტენზია არ ექნება პერსონალის უხეშ მოპყრობასა და სასჯელებზე.
ფასი: კაცზე 15 ევრო
მდებარეობა: კლიეპაიას ისტორიული ცენტრიდან 5 კილომეტრში.
St. Briavels Hostel - გლოსტერშირი, ინგლისი
ჰოსტელი 800 წლის წინ აშენებულ ციხე-სიმაგრეშია განთავსებული. მფლობელები ირწმუნებიან, რომ იქ სულები ცხოვრობენ.
ფასი: 24 ევრო საწოლზე, 74 ევრო ორადგილიან ოთახზე.
მდებარეობა: ქალაქის ცენტრი