"ევროპული საქართველოს" მიერ ორგანიზებული აქცია დასრულდა

"ევროპული საქართველოს" მიერ ორგანიზებული აქცია "არა რუსულ ფაშიზმს საქართველოში" დასრულდა, თუმცა, მარჯანიშვილის მოედანზე პარტიის წარმომადგენლები და აქციის სხვა მონაწილეები კვლავაც არიან შეკრებილნი. ადგილზე მობილიზებული არიან ასევე შსს-ს თანამშრომლები.

აქციის ბოლოს მცირე ინცინდენტს ჰქონდა ადგილი. თვითმხილველთა ინფორმაციით, მოქალაქემ "ევროპული საქართველოს" ლიდერების მისამართით შეიგინა, რასაც აქციის ერთ-ერთი მონაწილის მხრიდან საპასუხო გინება მოჰყვა. ადგილი ჰქონდა გარკვეულ სიტყვიერ შელაპარაკებას, თუმცა, პოლიცია მალევე ჩაერია და მოქალაქე ადგილიდან გაიყვანა.

ამასთან, პოლიციის თანამშრომლებმა ჩაკეტეს მარჯანიშვილის ქუჩა "მაკდონალდსთან" და ისინი იქ გავლის საშუალებას არავის აძლევდნენ.