ქუთაისში, აქციის მონაწილეებმა პარლამენტის წინ გზა რამდენიმე წუთით გადაკეტეს. ქუთაისის მერობის კანდიდატმა, გოგი წულაიამ მომხრეებთან ერთად გაზის ტარიფის გაზრდა გააპროტესტა. აქციის მონაწილეებს გზის ხანგრძლივად გადაკეტვის შესაძლებლობა საპატრულო პოლიციამ არ მისცა.
გზის გადაკეტვამდე პარლამენტთან აქცია გაიმართა. აქციის მონაწილეებმა მოუწოდეს ხელისუფლებას გადახედოს გადაწყვეტილებას გაზის ტარიფის გაზრდასთან დაკავშირებით, ასევე არ მიიღონ გადაწყვეტილება ელექტროენერგიის ტარიფის გაზრდაზე, რაც მათი განცხადებით, მოსახლეობას მძიმე ტვირთად დააწვება.