ინდოეთში ”ორსული” ბავშვი დაიბადა

ინდოეთში დაიბადა ბავშვი, რომელსაც მუცელში საკუთარი ტყუპისცალი ძმა ჰყავდა, ინფორმაციას ბრიტანული გამოცემა The Independent ავრცელებს.

ჩვილის დაბადების შემდეგ მუცლის ღრუში ექიმებმა მეორე ბავშვის ნაწილობრივ ჩამოყალიბებული სხეული აღმოაჩინეს. ახალშობილს ოპერაცია გაუკეთეს და ტყუპისცალი მოაცილეს.

უჩვეულო სხეული ბავშვის მუცელში ორსულობის ბოლო პერიოდში რადიოლოგმაც დააფიქსირა.

”ემბრიონი ემბრიონში” ძალიან იშვიათი თანდაყოლილი ანომალიაა, რომლის დროსაც ჩამოუყალიბებელი, დეფორმირებული პარაზიტული ემბრიონი ბავშვის ორგანიზმში იზრდება. მსოფლიოში ასეთი 200 შემთხვევაა მხოლოდ დაფიქსირებული.