რეჯეფ თაიფ ერდოღანი - ნატო! ვალდებული ხარ მათ წინააღმდეგ გამოხვიდე, ვინც ერთ-ერთი თქვენი პარტნიორის საზღვრებს საფრთხეს უქმნის
დროის ძალიან მცირე მონაკვეთში, ჩვენ ერთმანეთის მიყოლებით გავანადგურებთ ტერორიზმის ყველა ბუდეს სირიაში - დაწყებული აფრინისა და მემბიჯის რეგიონებიდან, - ეს განცხადება თურქეთის პრეზიდენტმა რეჯეფ თაიფ ერდოღანმა "სამართლიანობისა და განვითარების პარტიის" შეხვედრაზე განაცხადა.
ერდოღანმა ნატო-ს მოუწოდა, შეასრულოს პარტნიორების წინაშე ნაკისრი ვალდებულებები.
"ნატო! ვალდებული ხარ მათ წინააღმდეგ გამოხვიდე, ვინც ერთ-ერთი თქვენი პარტნიორის საზღვრებს საფრთხეს უქმნის", - განაცხადა ერდოღანმა.
თურქეთის პრეზიდენტის თქმით, თურქეთი ოპერაციას სირიის ოპოზიციასთან ერთად ჩაატარებს.
"ჩვენ ჩვენს ძმებს მათი ტერიტორიების დაცვაში ვეხმარებით", - აღნიშნა ერდოღანმა.
გუშინ, "სირიის სასაზღვრო დაცვის ძალების" შექმნის იდეასთან დაკავშირებით გაკეთებულ განცხადებაში ერდოღანმა აღნიშნა, რომ ახლო მომავალში თურქეთი აფრინში სამხედრო ოპერაციას დაიწყებდა და ტერორისტულ დაჯგუფებებს გაანადგურებდა.
მოსკოვში ხანძარს 4 ბავშვი ემსხვერპლა - "უყურადღებოდ იყვნენ დარჩენილი, რადგან დედა ან მეზობელთან იყო გასული, ან ნასვამს ეძინა"
პრინცს, რომელსაც ქალი გაუპატიურებას აბრალებს, ავსტრალიაში არავინ დახვდა
