სააკაძის ქუჩაზე ახალგაზრდა მამაკაცი დაჭრეს

თბილისში, სააკაძის ქუჩაზე ახალგაზრდა მამაკაცი დაჭრეს. შემთხვევა გუშინ საღამოს მოხდა. დაჭრილი მამაკაცი სასწრაფო დახმარების ბრიგადამ საავადმყოფოში გადაიყვანა. მისი მდგომარეობა სტაბილურია.

ჭრილობა აღენიშნებოდა ასევე დაჭრილის თანმხლებ პირს, თუმცა, როგორც თვითონ აცხადებს, ის არავის დაუჭრია.

როგორც „ინტერპრესნიუსს“ შსს-ში განუცხადეს, მომხდარზე გამოძიება სისხლის სამართლის კოდექსის 117-ე და 118-ე მუხლებით დაიწყო, რაც ჯანმრთელობის განზრახ მძიმე და ჯანმრთელობის განზრახ ნაკლებად მძიმე დაზიანებას გულისხმობს.