თბილისში შესაძლოა ითოვოს - როგორი ამინდია მოსალოდნელი იანვრის ბოლო დღეებში

თბილისში შესაძლოა ითოვოს - როგორი ამინდია მოსალოდნელი იანვრის ბოლო დღეებში

28-30 იანვარს საქართველოს უმეტეს რაიონში ნალექიანი ამინდია მოსალოდნელი. საქართველოს გარემოს ეროვნული სააგენტოს ჰიდრომეტეოროლოგიური პროგნოზების ცენტრის სინოპტიკოსმა ნაირა მანველიშვილმა "ინტერპრესნიუსს" განუცხადა, რომ 28 იანვარს, დასავლეთ საქართველოს ზოგიერთ რაიონში წვიმაა მოსალოდნელი, ღამით მთაში თოვლი იქნება, იქროლებს აღმოსავლეთის მიმართულების ქარი, რომელიც დღისით გაძლიერდება.

აღმოსავლეთ საქართველოში ღამით უმეტეს და დღისით ზოგიერთ რაიონში ნალექია ნავარაუდევი, უმეტესად თოვლის სახით. ჰაერის ტემპერატურა ღამით -3 +2. ხოლო დღისით +6 გრადუსი დაფიქსირდება.

რაც შეეხება დედაქალაქს , 28 იანვარს თბილიში, თოვლჭყაპი და ნისლია მოსალოდნელი, ჰაერის ტემპერატურა ღამით + 1, დღისით, +4 გრადუსი დაფიქსირდება.

იხილეთ ვიდეო

29 იანვარს დასავლეთ საქართველოში ღამით, უმეტესად უნალექო ამინდი იქნება, დღისით იწვიმებს. დაუბერავს აღმოსავლეთის ქარი, ზოგან ძლიერად. ჰაერის ტემპერატურა +7, +12 გრადუსი დაფიქსირდება. აღმოსავლეთ საქართველოში ღამით ზოგან იწვიმებს, დღისით კი უნალექო ამინდი იქნება. ჰაერის ტემპერატურა +6 გრადუსამდე დაფიქსირდება.

29 იანვარს, თბილისში ღამით მცირე თოვლი, დღისით უნალექო ამინდი იქნება, ჰაერის ტემპერატურა + 3 გრადუსამდე დაფიქსირდება.

რაც შეეხება 30 იანვრის ამინდის პროგნოზს, დასავლეთ საქართველოს უმეტეს რაიონში წვიმიანი ამინდია მოსალოდნელი, ღამით მთაში მოთოვს. ჰაერის ტემპერატურა დღისით +5, +10 გრადუსამდე იქნება. აღმოსავლეთ საქართველოს ზოგიერთ რაიონში ღამით უმეტესად ითოვებს, დღისით კი ნალექიანი ამინდია ნავარაუდევი. ჰაერის ტემპერატურა დღისით +5, +10 გრადუსამდე იქნება.

30 იანვარს თბილისში ღამით შესაძლოა ითოვოს, დღისით კი უნალექო ამინდია ნავარაუდევი, ჰაერის ტემპერატურა +6 გრადუსამდე მოიმატებს.

უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"

ვინ არის შორენა ბეგაშვილის ყოფილი ქმრის მეუღლე, რომელიც უკრაინაში ცნობილი დიზაინერია

8-9 ოქტომბერს ძლიერი წვიმა და ქარია, 10-ში კვლავ გამოიდარებს - უახლოესი დღეების ამინდის პროგნოზი