შინაგან საქმეთა სამინისტროს საპატრულო პოლიციის დეპარტამენტის თანამშრომლებმა მძღოლ ქალბატონებს ქალთა საერთაშორისო დღე მიულოცეს, თაიგულები გადასცეს და უსაფრთხო მგზავრობა უსურვეს. ქალთა საერთაშორისო დღისადმი მიძღვნილი აქცია მთელი ქვეყნის მასშტაბით გაიმართა.
ფოტომასალა შინაგან საქმეთა სამინისტრომ გაავრცელა. ინტერნეტმომხმარებლების განსაკუთრებული მოწონება თბილისის ერთ-ერთ უბანში გადაღებულმა ფოტომ დაიმსახურა, რომელზეც საპატრულო პოლიციის თანამშრომელი და ულამაზესი პატარა გოგონა არიან აღბეჭდილი.