კიმ ჩენს ინს ქვედაბოლოები მოსწონს - ქვეყანაში ქალებს შარვლის ჩაცმა ეკრძალებათ

კიმ ჩენს ინს ქვედაბოლოები მოსწონს - ქვეყანაში ქალებს შარვლის ჩაცმა ეკრძალებათ

ჩრდილოეთ კორეაში ქალები ვალდებულები არიან, ეცვათ ქვედაბოლო - იმ შემთხვევაშიც კი, თუ მათ ფიზიკურად უწევთ მუშაობა, Express-ის ინფორმაციით, შარვლის ჩაცმა ეკრძალებათ.

ქვეყნიდან გამოქცეული პირები ჰყვებიან, როგორი პრობლემები ექმნებათ ჩრდილო კორეელ ქალებს ამ მკაცრი წესის გამო, ხშირ შემთხვევაში ოჯახის ერთადერთი მარჩენალი დიქტატურის პირობებში - ქალია.

ჯე სონ ლი, რომელიც ქვეყნიდან გამოიქცა, ამბობს, რომ წესი ყველა ასაკის ქალზე ვრცელდება. მოხუცი ქალები, რომლებსაც მცენარეული საკვების მოსაგროვებლად მთაში უხდებათ ასვლა, იძულებული არიან, შარვლის გარეშე იმუშაონ.

ჯე სონ ლი იხსენებს, რომ ერთხელ სკოლაში შარვლით მისვლა გაბედა. ამის გამო კი გოგონა დასაჯეს.

„სასჯელის ფორმა ასეთი იყო - უნდა მერბინა სათამაშო მოედნის გარშემო და ათჯერ მემღერა სოციალიზმის ჰიმნი“, - ჰყვება ჯე სონ ლი.

ამის შემდეგ მას გარკვეული ფიზიკური სამუშაოები უნდა შეესრულებინა.

ჯე სონი, რომელიც ჩრდილო კორეიდან 2011 წელს გამოიქცა, ამბობს, რომ მან არაერთხელ სცადა წესების დარღვევა, თუმცა უშედეგოდ და საბოლოოდ ისე დაიღალა, რომ გადაწყვიტა, დანებებოდა.

„თავდაპირველად ძალიან ვბრაზდებოდი ქალებზე, რომელიც ემორჩილებოდნენ წესებს და იცვამდნენ ისე, როგორც დიქტატურა მოითხოვდა მათგან.

მოგვიანებით აზრი შევიცვალე, ეს არის ყველაზე ჭკვიანური გადაწყვეტილება, დაიცვა საკუთარი თავი ასეთ ქვეყანაში,“ - ამბობს ჯე სონი.

მოსკოვში ხანძარს 4 ბავშვი ემსხვერპლა - "უყურადღებოდ იყვნენ დარჩენილი, რადგან დედა ან მეზობელთან იყო გასული, ან ნასვამს ეძინა"

პრინცს, რომელსაც ქალი გაუპატიურებას აბრალებს, ავსტრალიაში არავინ დახვდა

"პუტინის მზარეულის" საცეცები მსოფლიო სოციალურ ქსელებში - როგორ მუშაობს რუსული "ტროლების ფაბრიკა"