"ევროვიზიის" ქართველი მონაწილეები კონკურსის წითელ ხალიჩაზე ჩოხებით მივიდნენ

"ევროვიზიის" ქართველი მონაწილეები - ჯგუფ “ირიაოს” წევრები კონკურსის წინა ფართიზე იმყოფებიან, რომელიც ისრაელის დედაქალაქში იმართება.

8 აპრილს ტრიო – მიშო ჯავახიშვილი, გაგა აბაშიძე და ბუბა მურღულია, ევროფესტივალის სხვა მონაწილეებთან ერთად, Israel Calling 2018-ის წითელ ხალიჩაზე ჩოხებში ჩაცმულები გამოცხადნენ, რითაც საერთაშორისო მედიისა და მონაწილეების დიდი ყურადღება მიიპყრეს და ოვაციები და შეძახილები – “ბრავო, ჯორჯია”, დაიმსახურეს.

ევროვიზია 8 მაისს ლისაბონში იწყება. პორტუგალიის დედაქალაქში, “ალტიჩე არენაზე”, ქართული ჯგუფი სიმღერას “შენი გულისთვის” 10 მაისს მეორე ნახევარფინალში მე–10 ნომრად შეასრულებს. ხმის მიცემა მხოლოდ ევროპაში მცხოვრებლებს შეუძლიათ.