დასავლეთ საქართველოში დღეს უნალექო ამინდს ელოდებიან, აღმოსავლეთ საქართველოში კი სინოპტიკოსები ხანმოკლე წვიმასა და ელჭექს ვარაუდობენ.
გარემოს ეროვნული სააგენტოს ინფორმაციით, 26 - 27 აპრილს ქვეყნის ტერიტორიის უმეტეს ნაწილზე მოსალოდნელია უმეტესად უნალექო ამინდი. ჰაერის ტემპერატურა დაბლობსა და ბარში +24, +29 გრადუსამდე მოიმატებს.
თბილისში დღეს საღამოს საათებში შესაძლოა ხანმოკლე წვიმა ელჭექით აღინიშნოს, 26 და 27 აპრილს უმეტესად უნალექო ამინდია მოსალოდნელი. ჰაერის ტემპერატურა 25 აპრილს +20, +22 გრადუსი იქნება, ხოლო 26 - 27 აპრილს +25, +27 გრადუსამდე მოიმატებს.