ბათუმში, კიროვის 45 ნომერში, მშენებლობიდან ჩამოვარდნის შედეგად, 25 წლის მამაკაცი დაშავდა. თვითმხილველების ინფორმაციით, მამაკაცი მშენებლობაზე ამწედან ჩამოვარდა. როგორც სასწრაფო სამედიცინო დახმარების ცენტრში "ინტერპრესნიუსს" განუცხადეს, დაშავებული რეფერალურ საავადმყოფოში გადაიყვანეს. ექიმების ინფორმაციით, დაშავებულს დაზიანება წელის, გულმკერდის არეში და ხელზე აღენიშნება.