ბათუმში, აღმაშენებლის ქუჩაზე პარკირებული მსუბუქი ავტომობილის ოთხივე საბურავი მოიპარეს. როგორც "ინფინიტის" მარკის ავტომობილის მეპატრონე ამბობს, მანქანა ღამით გააჩერა ქუჩაზე, დილით კი საბურავებმოხსნილი და ფილებზე შემდგარი დახვდა. ფაქტის შესახებ მან სამართალდამცველებს შეატყობინა.
როგორც საქართველოს შინაგან საქმეთა სამინისტროში AMBEBI.GE-ს განუცხადეს, გამოძიება სისხლის სამართლის კოდექსის 177-ე მუხლით დაიწყო, რაც ქურდობას გულისხმობს და 4-დან 7 წლამდე თავისუფლების აღკვეთას ითვალისწინებს.