საგარეჯოში, სოფელ ხაშმში ირანის მოქალაქე "გუდრონის" მასაში ჩავარდა

საგარეჯოს მუნიციპალიტეტის სოფელ ხაშმში უცხო ქვეყნის მოქალაქე „გუდრონის“ მასაში ჩავარდა. „ინტერპრესნიუსის“ კორესპონდენტის ინფორმაციით, შემთხვევა იმ დროს მოხდა, როდესაც ირანელი მამაკაცი სამშენებლო სამუშაოებს ასრულებდა. მამაკაცი თავდაპირველად საგარეჯოს საავადმყოფოში მოათავსეს, თუმცა, ჯანმრთელობის მდგომარეობის გაუარესების შემდეგ თბილისში გადაიყვანეს.

გამოძიება სისხლის სამართლის კოდექსის 124-ე მუხლით მიმდინარეობს. შემთხვევა გუშინ მოხდა.