მამუკა ჭელიძის კომენტარი "ბასიანსა" და "გალერიში" ჩატარებული სპეცოპერაციის შემდეგ

"საქართველოს შინაგან საქმეთა სამინისტრო სამი თვის განმავლობაში აწარმოებდა საგამოძიებო მოქმედებებს თბილისში მდებარე ღამის კლუბებში - „ბასიანსა“ და „გალერიში“, ნარკოტიკული საშუალებების გასაღების ფაქტის გამოსავლენად" - ამის შესახებ რამდენიმე წუთის წინ შსს-ს ცენტრალური კრიმინალური პოლიციის დეპარტამენტის ორგანიზებულ დანაშაულთან ბრძოლის მთავარი სამმართველოს უფროსმა მამუკა ჭელიძემ განაცხადა.

მისივე თქმით, სამართალდამცველებმა კლუბებში საგამოძიებო მოქმედებების შედეგად 8 ნარკორეალიზატორი დააკავეს.

ჭელიძემ სხვა დეტალებზე საუბრისგან თავი შეიკავა, არ არის ცნობილი დაკავებულთა ვინაობა. ჭელიძემ არ გასცა პასუხი ჟურნალისტების კითხვას, არიან თუ არა ნარკორეალიზაციაში ბრალდებულებს შორის "ბასიანის" დამფუძნებლები.